myGov Beta – portalın ilkin mərhələdə test müddətində işlədiyini bildirir. Beta versiyanın tətbiqinin məqsədi əsas versiyanı vətəndaşlara daha təkmil formada təqdim edə bilməkdən ibarətdir.
myGov portalından faydalanmaqla yarı yolda qalmayacaqsınız!
“myGov” qabaqlayıcı hökumət konsepti əsasında vətəndaş, dövlət və biznes qurumlarını vahid platformada birləşdirən elektron xidmətlərin göstərildiyi sistemdir. Vətəndaşlar “myGov” portalı vasitəsi ilə dövlət qurumları tərəfindən verilmiş məlumatlar ilə tanış olacaq, xidmətlərə elektron qaydada müraciət edə, e-arayışlar və digər sənədləri əldə edə, məlumatlarının doğruluğunu təsdiq edə, həmçinin məlumatlarının digər qurumlara ötürülməsi prosesini tənzimləyə biləcək.
XİDMƏTLƏRƏ MÜRACİƏT
Təqdim olunan xidmətə bir klik ilə müraciət etmə imkanı
Vətəndaşlar şəxsi kabinetdə göstərilən xidmətlərə müraciət edə, həmçinin ən çox istifadə etdiyi xidmətləri “Seçməli Xidmətlərin” bölməsinə daxil edərək şəxsi kabinetini fərdiləşdirə bilirlər.
BİLDİRİŞLƏR
Məlumatlandırma və xatırlatma xarakterli bildirişlər
Vətəndaşa dair məlumatlar yeniləndikdə, vətəndaşların sənədlərinin etibarlılıq müddəti başa çatdıqda və sistemə yeni xidmətlər əlavə edildikdə vətəndaşa bununla bağlı SMS, e-mail, həmçinin şəxsi kabinet vasitəsilə bildirişlər göndərilir.
TƏSDİQETMƏ
Məlumatların digər qurumlara ötürülməsi
Vətəndaşlara dair məlumatlar yalnız vətəndaşın şəxsi kabinetinə müvafiq qurumlar tərəfindən göndərilən sorğunun vətəndaş tərəfindən təsdiqlənməsindən sonra üçüncü tərəfə ötürülür. Həmçinin vətəndaşa dair məlumatlar vətəndaşın özü tərəfindən əvvəlcədən qarşı tərəfə ötürülə bilər.
ƏKS ƏLAQƏ
Vətəndaşın qurumlara bir ünvandan müraciət imkanı
Şəxsi kabinet vasitəsi ilə vətəndaş öz fikirlərini, şərhlərini, şikayət və təkliflərini aidiyyatı quruma göndərə bilir. Eyni zamanda vətəndaş özü haqqında sistemdə aşkarladığı yanlış məlumatlar barədə müvafiq quruma müraciət ünvanlaya bilir.
TƏHLÜKƏSİZ GİRİŞ
ASAN Login - Vahid giriş sisteminin üstünlükləri
ASAN Login ilə sisteminə bir dəfə daxil olan zaman bu giriş sistemini istifadə edən digər sistemlərə də avtomatik olaraq giriş edilmiş olur. Eyni zamanda inteqrasiya olunmuş hər hansı bir sistemdən çıxış zamanı bütün sistemlərdən çıxış baş tutur. Bu isə təkrarçılığın qarşısını aldığı üçün zamana qənaət etməyə yardımçı olur.
MƏLUMATLARA ÇIXIŞ
Şəxsi məlumatların vətəndaş tərəfindən əldə olunması
“myGov” şəxsi kabienti vasitəsilə vətəndaşlar öz şəxsi, maliyyə, təhsil və digər məlumatlarını əldə edə bilirlər. “myGov” şəxsi kabineti vətəndaşın məlumatlarını real rejimdə əks etdirərək vətəndaş-dövlət münasibətlərini yeni mərhələyə daşıyır.
myGov-u bütün cihazlarda rahatlıqla istifadə edə bilərsiniz
